逃亡

BB: 公園嗰啲哥哥話有陣時佢哋會打飛機咖，點解呀？
媽 : 佢哋同你講呀？
BB: 唔喺呀，我聽佢哋傾偈嗰陣時講嘅。
媽 : 哦，咁可能啲飛機師曳，亂咁開砲射人，所以未要打佢落嚟，等佢哋唔好再傷害人囉。
BB: 咁佢哋會唔會死咖？
媽 : 會咖，如果佢哋趕得切跳降落傘就唔會死。但喺因為佢哋都喺度傷害緊人，所以有時我哋都被迫要還擊嚟保護自己囉。
BB: 耶穌唔喺話要轉另一邊面俾佢打埋咖咩？
媽 : 咁如果媽媽俾壞人打，你會唔會唔理媽媽呀？
BB: 梗喺唔會啦！如果我夠大力，我會拉開佢哋，同埋會報警。
媽 : 咁就啱嘞，聖經都有講要為俾人蝦嘅人伸張正義咖，不過你咁細個小朋友，都喺唔好自己郁手啦，好危險咖， 叫警察叔叔幫手啦，同埋要大叫救命。如果冇咩必要，大人小朋友都好，都盡量唔好郁手打人啦，用個口同佢講道理囉。如果好危急，真喺要郁手都盡量問吓耶穌先，唔同嘅情形，上帝會想我哋有唔同嘅反應咖。有時其實唔出聲行開甚至逃走可能喺最好嘅方法。
BB:（突然拖住媽媽隻手）媽媽，我哋快啲逃走啦，有啲好惡嘅叔叔行緊過嚟呀，佢哋成日喺公園蝦嗰啲打飛機哥哥咖！
媽 : 我諗佢哋唔會打媽媽掛。
BB: 走啦走啦，我仲未學識打飛機，唔夠佢哋打咖。。。
媽 : (邊行邊講) 好喇走喇走喇，咁你要記住求天父俾我哋有世界和平，咁就唔洗學打啦。。。BB第時想唔想做飛機師呀。。。。
BB: 想呀，可以周圍去旅行，不過我唔想死噃。。。
媽 : 你唔曳，冇人會無啦啦射你落嚟嘅，揸啲載人旅行嘅飛機，唔好揸打仗嗰啲咪得囉。不過你要好好保護對眼噃，做飛機師對眼睛要睇得好清楚先得咖。
BB: 哦。(望一望後面) 媽媽，你行快啲啦，我哋逃走緊咖。。

詩篇 82:3-4 你們要為窮人和孤兒主持公道, 為貧寒和受壓迫的人伸張正義。要救助窮苦的人，使他們脫離惡人的欺壓。